Ahhh mudjer

Ahhh mudjer fot abó é louvada,

Fot abó é amada.

Sempre n´odjau como um

mudjer di beleza incomparável

e di inteligênçia admirável,

Bu simplicidade es kre troca pa vaidade.

Es kre maquiau ku sis hotel,

pentiau ku sis babel ,

e bestiu ku sis mentira.

Ma laba bu roste ku ague

e sal pa podé protegeu di tud mal.

Ka bu dixa ninguem pou mon

na cabel pas ka zangal i

fazeu mo carnaval.

Si pa bu besti saia janoita

cozed ku falsidade,

enton besti ratadje ku dignidade,

pamod assim tok, assim badje.

Ahh mudjer, é triste mo kus sta violau,

Kada um ku si bez, sem dor nem piedade.

Uns ta mama bu pet di area,

Ots ta beija bu boca di sal,

Es kre caba ku tud es

bu beleza di natureza.

Bu mar, bu auto-estima,

Bu sperança, bu ciment,

Bus djent, bu espírito.

Ahh nha djent, triste go.

Bu sta pedi socorre, ma ka kre obid.

Tud sta odja ma nem pa tadja.

Uns precupad ku trabadje,

ots só na badje.

Ahh mudjer fot abó é rascoa!

Fértil moda tchom di Lagua.

Fidjes pa tud kel ki kant.

Emigrants lebad pa terra longe

pa vent di distine.

Uns ba estuda, ots ba aventura

Ma es tud um dia bu ta kre pa regressa.

Pa bem abraçau, bem beijau, bem djudau.

Djudau ku es bu culpa e distine kus kre dau,

Protegeu pa niguem mas maltratau.

Ahh mudjer...kau fadiga

pamod bu dia ta tchiga


Hélida Kaline Costa