Para deixar comentários neste blogue tem que registar. Os comentários só serão publicados após aprovação do Administrador do blogue. Se tiver alguma dificuldade em efectuar o registo consulte aqui o guia ou contacta-nos através do email vozdidjarmai@hotmail.com.

quinta-feira, 17 de setembro de 2009

Dja passa hora pa revolução


Dja passa hora pa revolução, dja sta bom di kel imagem di "djents manse", djam sta cansad di injustiça, nka kre mas obi ma nos ilha é "ka nada", mas "ka nada"é kenha ki ka tem fé na si pessoa e capacidade di muda kuzas. Nandé sta nos dignidade? Nka sta odja verdade, só disigualdade i idéia di inferioridade.

Pamod ku nu sta fala dialeto desconhecido? Ah nha djent simé nos criole di Djarmai i sab…kel letra r ku ta rola na nos lingua ta poi amorrrrrr ku mas saborrrrrrrrr. Kel nos sutak suave tem poder di apoixona kualker um. Mas mesmo assim nu sta escodji kel ki ka di nos, Será que é vergonha? Complexo? Medo?...Por favor explicam...pamod nka sta odja motivo pa es obsessão.

Nandé sta nos líderes? kes mas letrads, hora kus sta formad es ta corré pa ot kant. Nka sta critica kela, pois nsabé ma nu tem sonhos differentes. Ma por favor spia pa bu terra, fala pa bu terra i pará di djunta ku ot e fla mal di bu próprio ilha e povo. Pará ku negatividade e apoia nandé e necessário, pará di conforma e comisa luta pa kel ku bu ta acredita.

Estrada, luz, barco, let, ramed, avião, ove, fé, farinha, camisinha, speransa, livro, amor, ropa, diálogo, caneta, respet, car, força, voz ... Nandé sta? perdide na mar? disperse na ar? Flam pamode nkre sabé. Embora Djarmai tene falta di tud kuza, falta mas grande é falta di coragem... Coragem di fala, coragem di grita, coragem di morré, di sacrifica nos carrera profisional, nos conforte, nos temp, nos vida. Até quando nu ku ta podé vivé assim? Nkre odja kal que é kel pont ku nu ta splodi. Kuza i tcheu, kuza i basade i palavras ta falta as vezes pa nu expressa nos raiba, nos mede, nos frustração, nos tristeza, nos speranza...ma nu uni, nu tenta, nu escrebe, nu pinta, nu canta, nu fala, nu desenha, nu agi...pa Djarmai.

Hélida Kaline Tavares Costa

7 comentários:

  1. Dignidadi sta na kabesa di kada omi ku kada mudjer ki ta odja Kauverdi sima se Patria...Lingua e di Kauverdi. fala di Djarmai e bunitu sin.Papia di Djarfogu e manduku.Papia di Djabraba ka floridu.Fla di Santiagu e madrasta. Dize di Sintanton e sorbedu. Fala di Sanbisenti e sakedu.papia di Sanikulau e Parloa.Dize di Djasal e tenpradu Dize de Boavista e speransadu sima Kauverdianu.Nobri novipovu labadu ku agu-l mar ki ka ta bibe ma ki ta sarga pa ka straga.

    ResponderEliminar
  2. Cabo Verde é um país abençoad pa Deus i ami é orgulhosa di ser Cabo Verdiana. Ma ou mesme temp nu tem ki reconheçe ki dent CV tem diferenças cultural e linguístico. Dja foi provad pa vários peskiças e estudos cultural i social ki pa tem um revolução contra injustiça mas eficas, anos como humanos nu tem ku identifica mas ku kel aspect di nos identidade k é mas oprimid, ou seja kel motiv pa revolução. Ex. Durante temp di lei di discriminação na E.U.A., embora tud mudjers era oprimid socialment e politicament, mudjers negras ta identificaba mas ku sis raça di kus sis sexo pmd sis raça era motive pa mas opressão. Keli é fundamental pmd assim nu ta sta mas disponível a luta pa termina barreras ku sta impidi justiça. Nta xinti mas maense di kum ta xinti cabo verdiana, i kili é somente pmd nta xinti ma nha ilha é injustiçad pa governo ku ta representa “Cabo Verde”, já ki Mai ka é representad, nta xinti um pok fora di kel identidad “criola”, bom, politicamente pelo menos, pmd em termos di ot fatores moda nos musica, história etc ami é 100% criola. Nta atcha problematico ki tcheu alguem di Mai, ot la me dent maio ku nem ilha di Santiago ka conché dret, sta papia badiu pmd kela pa mi ta mostra falta di “contacto” ku sis identidade maense, portant a pergunta é o seguinte: mo ku anos maenses podé luta pa justiça e voz pa Mai si nos identiddade como maense ka é forte? Mo ku nu ta ser voz di Djarmai si nu sta fala ku sutak badiu ou sampadjud? Kela simplisment ka ta funciona. Pa nu fala pa Mai nu tem ku ser “di Mai” 100% incluindo papia simé djents Mai ta papia. Nta acredita na kel filosofia li ku tud nha coração e alma.

    ResponderEliminar
  3. fot bem flad. Nta concorda plenament ku bo. Nu sta meste sperta e spia pa nos ilha.

    ResponderEliminar
  4. Revolusan ia kumisa. E bom odja mo kada vez mas tem mas alguem di Mai ta labanta si voz. Ma prumer revolusan tem k ser na nos mentalidad. Djarmai i noz tud, kela ku nu sta meste intende. Si noz nu ka luta pa noz Djarmai ninguem ka ta fazel pa noz. Djarmai i tu maense i nu ka pode fika indifente perant noz situasan. Força Kaline, força tud maense i VIVA DJARMAI!!

    ResponderEliminar
  5. José Maria Duarte (Paixão)domingo, setembro 20, 2009

    Dja passa hora de revolução??? hum inda nao. nunca é tarde pa nu revoluciná e gritá pa nós terra. Kaline n´adora es artig, bem flad bem combersad, djarmai sta mesté kem ki ta papiá ki ta gritá, kem ki ta a cara pa el sem vergonha sem med cu coragem e fé. Nu mesté uni letrads e nao letrads lideres no lideres tud djents na uniao pa desenvolvimnt di nósterra. Só assim mai ta ba p camim. força Kaline, força Djarmai, Força nós td. Nu djuntá um Maio midjor.

    Paixão di Maio

    ResponderEliminar
  6. "dja passa hora pa revolução" ker disser, era mas kadoje, era pa revolução aconteceba na temp di nos pais talves, ma bem acontese na nos temp

    ResponderEliminar
  7. Excelente intervenção. Aliás como sempre bu tem stade ta fazé sempre grandes intervenções. É necessário um desenvolvimento cada vez di nós Maienses pa nu resolvé problema di desenvolvimento di nós ilha. Dj sta bom di sperá pa políticos. Um abração.

    ResponderEliminar

Para deixar comentário neste blogue que estar registado. Se tiver alguma dificuldades em efectuar o registo contacta-nos através de vozdidjarmai@hotmail.com.