Si senhor tinha um horta e ku atravex de estude prova pamd la ten 80% de vestigios ku podia criaba um plantacao ku ta contribuiba pa fazeba um ramede pa cura tcheu doensas! Sera ku senhor ta desejaba entao pa um vezin bem salta pared e coba tude kel kes kre, pa bai planta na si horta? Horta e di nho,vestigios e ka di nho mas sim de subsolo. Mas nhu ka ta desejaba ou permetiba kela nao?
Ami come um fidje de Djarmai ta fazen pena odja nhas irmons ta faze kes tipos de comentariosi,nun assunt extremament important a proveit de nos ilha.N’ Ka ta kretica ninguen k favor a transferencia dp projet di cimentera pa Santa Cruz, mas hora kun odja pa arguments sime kel ku senhor dixa na facebook, pa mi e di lamenta. Materias primas na um kualker parte kel sta, el ta pertence kel subolo concerteza e sen duvida nenhun, ku estad ten tud direit a derigil de ‘‘MELHOR FORMA’’ . Agora kuse ku de mal,de faze kela apartir de Djarmai mesm? Kuze ku sta di mal subsolo de Djarmai,servi estad e Caboverde inter,atravex di Djarmai? Pamod ku tinha ku ser atravex di Santa crux?
Portant senhor Tavares na Djarmai sta tcheu familias ku necissidade de parce um dia trabadje, pas pode midjora sis subrivivencia. Nta acredita mod kel project la, era um grande benificio pa tcheu familia e nos ilha. Si senhor ka ten familia pedreiro (exemplo) tcheu di nos (ami ‘n) nu ten. Ami nta fikaba louvadamente contente de sabe pamod um midjor trabadje è parceba pa ex. Keli eka choramingar seme senhor fla nao,mas sim ‘’VONTAD’’ di odjaba nos familias/ilha nun condisao midjor. N’ten certeza ke si fosse caso contrario gentes Santa Crux, sta desejaba o mesme!
Govern ta servi Maio ku petroleo arrox,farinha (sen fala ku kela di vex enkuant ta falta) moda el ta servi kualker um de keslot ilhas. Kela simplesment e um direit,pamod hora ku tchiga na preoridad sime nos tude nu ta odja Maio ka tive, ka ten e si continua ku alguen ta pensa moda nho la (sobre es assunt) nunca mas ka ta ten. Pois Djarmai simplisment e ka di nada. Petroleo, arrox e farinha pa ot lad ka ta da na subsolo de Cabo verde. Nta acredita mod nos tude nu ta fikaba contente si subsolo di CV tinha mas materias primas pa daba mas contribuecoes na produts pa serviba nos pove. Sime nhu fla 80% de pescado consumid na CV ta bem de areas de Maio, si gentes devia abriba guela pa keli tambe. Pa mi kela e apenas mas um koisa alegre de conta di nha ilha,tumara ta daba pa consumiba nao so na CV mas pa mund fora tambe.
Agora nta abri guela sim!pa kel falta de respeit a nos subsolo e nos natureza,e grand injustisa pa nos ilha e sis fidje,si govern bai rinca pedras,rotchas,cascadje. (sei la mas kuze)pa leba pa ot lugar e cria um cimenteria! Sen lamenta pamd pa economia de CV atravex de estud feit na Djarmai tud ta seria mas barat!Si por acase nhu sabe midjor, nhu explicao? Pamd ami n sta tenta intende?
Entre outras, graças a govern ku dura ta panha arreia na arrea di Djarmai,hoje um di kes midjores ku natureza dande ‘’praia de mar’’sta kuase tud stragad. Bom turrismo prope,ku ta cresce na lugar ku praias de maus condicoes. Si Maio combribui ku tranferencia di projet di cimentera pa Santa Cruz ,nha caro,mas dois temp, nos ilha e ka di turrism,pamd kel historia turrism la garantia e zero,sen lamenta consequencias negativas ku e cert,di governo el ja e ka è, nu ta continua parad na temp ku paisajens entao tud stragad ,ja ku kela um de kes pok ku sta restande.
(Si senhor tinha um horta e ku atravex de studo prova pamd la ten mas de 80% de vestigios ku podia criaba um plantacao ku ta contribuiba pa fazeba um ramede pa cura tcheu doensas! Sera ku senhor ta desejaba entao pa um vezin bem salta pared e coba tudo kel kel kre, pa bai planta na si horta? Horta e di nho,vestigios e ka di nho mas sim de subsolo. Mas nhu ka ta desejaba ou permetiba kela nao?) Pois,senhor Tavares kela ku senhor sta kre pa contese na Djarmai. Pa Gorverno (aparentment um vizin pa Djarmai) simplismente assalta (nos horta) nos ilha pa panha nos vistigios di nos subsolo di nos Djarmai (pelos vistos nen tant kerid assin pa nos tud) pa bai faze sis ramed (cimentera ku ta kriaba trabadje pa curaba kel elevada taxa di desempreg na Djarmai) na um ot lugar!
Ami n sta abri guela e nsta manda tud kenha ku ten amor a nos terra abri de ses tambe pa fla,pamod nu sta contra kel injust decisao de Govern la.
‘’ Kuza e tcheu kusa e bazad, ma nu da Deus kel ku e di Deus, da Cesar kel ku e di Cesar’’
Nhas Comprimentos
Cintia Oliveira/Sheila
