SONHOS

N’staba ta durmi kante kin chinti pedra bati na janela di nha kuart

n’labanta pam spreita era bo ki staba ta spera pa mi

n labanta ta corri pan bai ter ku bo kant n’abri porta sta kaiba chuva

di flor ku bu corpe modjade bu pegan na mau

sem medo n’brasau nu fica lapido na compahere, sem vontade di

largau di nhas brasos,n poi ta tchora mas o kin kre di bo

i chinti calor di bu corpe  i sabor di bus labios na di meu baby

mas ku tude delicadesa n vira pa bo ku um  olhar inocente

n utilisa palavra di  adolescente n flau

bu amor foi um bola di magia infeitisada ki foi lansade pa um ange

ki atingi nha corasan,ki aumenta nhas disejos di sta ku bo

por isse dexan navega na oceano di bu olhar

mergudja na onda di bu corpe

 divagar cai na spuma di bu amor

i num por di sol

flau ki nha amor pa bo sta sem juiso 

Sandy

MONT BRANC

Irmon di mont Pinose, espedje d’art pa zona nort.

Casa pa bus rebanhe,ma pa kumida bu ka di sort.

Ku bu beleza natural,bu sta la sempre firme y fort,

Leal a bus patricios, durant vida ate dipos di mort.

***

Bu ta diferencia di tud, ku bo cor cinzent.

Bo y ka pa simentera, mas sim pa ciment,

Riqueza bu ten suficient ,pa bu pove decent.

Ku bo es kre buli,mas sen nenhun sentiment.

***

Mont branc,

Di bu susseg es kre tirau,

Pa Santa Crux es kre lebau.

PAMOD?

Sera ke bus fidje y ka trabadjor?!

Sera ke bu moradia y ka merecedor?!

Y gocin ndè sta bus pove ‘’FALADOR’’?!

***

Kant pai bu ta daba um trabadje !

Ah! Djarmai bu tornaba mas fadjade!

Oh! fot kili ka kre odjade !

Nha pove,ka nu vive mas ku odje fitchade.

Cíntia Sheila Oliveira

CRÓNICA DJARMAI – V: KAMPANHA NA SI TEMP!

Temp di kampanha i temp di nbraça

Temp di karrega minin, ruç ou limp

ku katar ou sem katar

Ou di pobre ou di ric.

Temp di união i divisão

União pa kés ku staba desunid

Divisão pa kés ku staba unid.

Temp di sta sempre dent  kaskad

Ka só na alegria, mas també na tristeza

Temp ku i kapaz di recuzad sufá pa xinta nem si na tchom

Tud cumida i di  gost

Tud ág i saúdavel!

Temp di festa, temp di oferenda

Pidi bu dad!

Dad bu tuma

Ofendé, bu perduad!

Temp di grands antónimos di verdad

Temp di cara podre

Ma ka ta dixa di ser temp di sabura!

Único temp di igual pa igual.                                          

UM JARDIM!

Nkrê ser borboleta di bu jardim
Pam pousa na bu jasmim
xinti nós disejad sossego
Acolhem na bu chamego

Ku bó nta bua alt ku segurança
Kada bater di nhas asas é um sorriso
Cada dia nu ta construí nós paraíso
Fazé dês jardin um aliança

Bu beijo ta dixam más i más fogosa
Sta na bu peit i sta na um jardim di rosa
Viaja na temp ku bu perig tentação
Navega na nós profund emoção

U ki nta xinti pa bó é delirante
Nos madrugada é replet di paixão
Nós noit é um bomba di expluzão
Bó é sempre nha jardim ofegante

Milalita Dono

FLAGELO DJARMAI – CRÓNICA IV

No mundo da droga
Entregaste a tua vida
Por aquilo que te afoga
Ficando ali sempre perdida.

A droga faz-te desistir
Porque não sentes a firmeza
Não tens força para insistir
Porque tirou-te a certeza.

Isso não é fantasia
Mas sim a pura realidade
E não há magia
Que te traga a felicidade.

A droga é barreira!
Faz a tua vida saltar
De muitos tirou ar
Mesmo assim é companheira.

Edson Valdir M. Alves

Vontad di Grita

Vontad di grita “djarmai” as veze ta dam mas n’ka tem nada ku fazé, infelizmente.

Ora kim sta frontad ku frio nta fla  “ah mundo na figuera nem frio ka tem”, por ise ki Tote di

Zabelinha kanta “ka nhos flan naaada djam kre bai nha terra”, n’ta reza tud santo dia nta pidi 

Deus pa um dia pal lebam djarmai, pam ba oia nha Figuera D’orta, pam ba oia nhas djente.

Ilha pikinot mas é la ki nha riqueza sta, é la ki nhas famílias sta, é la kim tem raiz… ah

Djarmai! nsta kun frida na pet ki so bo ki ta kuran el, ah canadja fot sodad nten fé mah

Jajá nta sta la ta coré riba ta coré bax.“Liminha grita tuna… afronta dja panham” mas   

Ami n’ta grita “djarmai” xam tchiga na bo pamod afronta dja sta nha traz. Ora kim tah

Relembra temp di minin nta fla pachenxa na mund, temp ki dja bai ki ka ta bem mas.

Morna é musica k mas ta pon ta lembra d nha terra querida, djarmai,

Apesar de djent di “liberal” dja fazé questão di skecé di noz djarmai.  

Ilha di sabura, paz, alegria… nu djunta mon pa noz djarmai.

                                                   

                                                       António Oliveira

Temp

Temp!?
Djam pedil pa pasa
Djam pedil pal tchiga
Djam pedil pal para
As ves al ta trazé alegria…
As ves al ta trazé dor…
El mé ku as ves i dimas
Ctheu hora nem al ka ta tchiga
Lembra temp as ves  ta kria soriso na kant boca
Ma tcheu ves al ta  dixa lagrima na odjo
Temp,
Espedjo di  fadjas y conquistas!
Djam fazé kel kum ka ta fazé mas…
Nka fazé kel kum kria e kel  kum debia fazeba!
Ma inda restam algum temp … nkre pal ser midjor ku kel k dja pasa!
Nu tem puder sobre temp!
Puder di faze del  kel ku nu kre
Ma temp ta pedi conta!
Al ta cura ferida mas al ka ta paga cicatris!
Pasa temp ta desejá skece temp concertesa y ka midjor forma di pasa temp.

Pa nha irmas specialment pa: Dy ku Dila
Dy, mas important na vida i ka kel ku nu ka fazé mas sim kel k inda nu tem oportunidade di fazé y Dila, nu tem puder sobre tempo, fazel di bo!
Pa  nhas amigus telepaticos

Paula Ribeiro/MN

Mudjer di Djarmai

Ah canadja!

Mudjer di Djarmai

Mudjer Africana

Mudjer Caboverdiana

Mudjer  bunita

Mudjer corajosa e talentosa

Nu tem nos beleza de verdade

Nu tem certeza que nu ta encanta

Nu tem orgulho di nos naturalidade

Nandé  ki nu bai, nos é adimirada

Nu ka mesti nada de artificial, nos é natural

Ka ta poi nem ku mom

Ka ta sai nem ku agu e sabom

Um tir um queda, nos é fatal

Um natutalidade chei de sensualidade

Sta na nos raça e na nos graça

Nu ta exige respeito

Nu ka crê sabe de preconceito

So nu crê ama, se ser amad

So nu crê ser respeitad

Assim nu ta anda sempre de cabeça erguid

Assim nos é feliz e valorizad

Na nos luta, na nos persistência

E na nos garra chei de exigência

 Nós amor é apenas amor

Ka meste sabe de nada,

Assim també é amor próprio

De Mudjer caboverdiana

De mudjer Africana

Ah canadja!                   

   

  Milalita Dono

Berdiana

Berdiana dja sta cansado di bota tuadja
El ka durmi es noti mas el kasta kansada
El kata djobi na spedjo, mas el ta xinti bonita

Hoji el pinta bexo, é gosta de se forma de ri
Hoji el ta sunha ko kuza ki el kré sem preocupa ko nada
Hoji bo ta deskubri ma mundo é só pa bo
Ki ninguem ka podi maltratau

Bo ta comprendi ki medo ta kebra sima um kristal
Bo ta ri pamodi bo consigui,pamodi bo odjo dja kansa de ser dor

Hoji bo ta ser berdiana ki bo kre ser
Hoji bo ta djobi pa frenti ki patraz sta só tristeza
Um berdina balenti

Hoji bo ta kalsa sapato alto pa fazi rabuliso
Hoji bo konkista seu sem djobi a ki distansia el sta di terra
Hoji bo ta ri te di bó mesmo pamodi bo consigui

Berdiana di sangui ki ta fervi na veias
Ai berdiana... hoji dja bo intendi ma bo é biko de kabo verdi
Berdiana de onti hoji e manham

Triyana Vieira

Devaneios amargos

Ondas cristalinas bateram
Nas areias doiradas que perderam
Nos delitos cometidos pelos barcos
Levados ao cabo por esses marcos
Que quiseram embelezar as suas praias
Naturalmente sem areias

Esses marcos que te abandonaram
Na onomástica onde todos ergueram
E, que não oiçam a minha voz
Por um fragor exógeno veloz
Ou simplesmente, a cegueira política
Que abafa esta crítica

Do Porto Inglês à Baía Galeão,
Como o instinto de um leão
Suspiramos a maresia do atlântico,
Como qualquer romântico, teremos o nosso cântico
E a robustez da nossa paciência
Ditará a nossa remanência

Porquê? Porque também,
Escravizados fomos,
Para a independência lutamos,
Da república somos,
A autarquia temos,
Prósperos e unidos seremos!


Dedico este texto ao Delvany e à sua família.

Triste

Nsta ko sodade de nos amor
De kel nos amor sem odja
Alves bo é gelo e otu ves lumi
E hoji nsta sima txuba
Ta txora na ladera ta fazi um caxuera
Ta diche sem rumo nem diresom

Ami nka palavra nem poema
Apenas irma mas grande de tristeza
Nta txora so de madrugada,depos de um noti sem durmi
Se bos odjos kasta reflite mas nos amor
E sodade ta seguim undi kim bai
Apenas teni claro mam luta pa nos sentimento

Bo prova sabor de nha sentimento,mas ami nkreu sem dor
Alves mi era lumi e otu ves um sinza
Flam ki sim,frova sabor de nha amor
kola na mi e flam sim


Montanes con paris a las 12:00
Triyana Vieira

A Mulher é como o Mundo

Aos 20 é como a África Semi-explorada;
Aos 30 é como a India Quente , suptuosa e maravilhosa

Aos 40 é como a América Tecnicamente perfeita

Aos 50 é como a Chinha Muita cultura

Aos 60 é como a Europa Monumentos em ruinas

Aos 70 é como a Sibéria, todos sabem onde é , ninguém quer la ir.

(Autor desconhecido).



Por: Ilce Santos

Para todos os maienses

Não é um adeus definitivo...
preciso de tempo
vou sair pelo mundo!
vou viajar, estudar.
vou curar as feridas da alna...
e também do coração...

Vou analisar o mundo, os astros..
Mas levo todos vocês em meu coração
Vou deixar a porta aberta para quem quiser
visitar-me e deixar o seu recado...
Onde quer que eu esteja
sempre que der eu passarei para lhe visitar

Sou errante...viajante do tempo
Eu sou como o vento
Apenas eu passo
Se sentires um leve aroma de jasmim...
Serei eu que estarei chegando
Pra matar minha saudade...
Dos amigos que aqui deixei!

Vou passar na Argentina
Vou dançar um tango de Gardel
Vou levar meu violão
Vou rimar meus versos
Vou ouvir meu coração
Vou apreciar a natureza
Vou observar o colorido das flores
Vou melhorar meu visual
Vou aos anjos agradecer...

Não é um adeus...Apenas uma partida
Na vida precisamos inovar novos caminhos...
E eu ainda sou um mero aprendiz da despedida.

Lucienne Gonçalves

MAIO MINHA TERRA QUERIDA

Meu coração te necessita, minha alma te reclama, pois sempre é difícil, viver sem você
Não trocaria um minuto de ontem contigo por cem anos de vida sem ti.
Vivo para amar-te. Para mim, afastar-me de ti é como ficar sem respiração
Mas vale passar um minuto no seu chão, que uma eternidade sem ti.
Jamais te esquecerei, porque deixaste uma impressão em mim. Amo-te, e és o quase tudo que tenho na vida.
Recordar é fácil para quem tem memória, esquecer é difícil para quem tem coração.
Saudade não tem forma nem cor; não tem cheiro nem sabor.
Fala-se nela, mas não se vê; só pensa nela quem acredita.
Ela é parte da ausência; ela é parte do amor; ela tem realidade, mas quem a tem sente dor, uma dor miudinha, que cresce no coração, e que nunca vem sozinha…
Acompanha a solidão; quem a sente nunca esquece, nem nunca esquecerá, o sentimento que não adormece, Maio minha terra querida.

Lucienne Gonçalves

Djarmai di Meu

nkria madaba bo um presente mas como nka sabe
mode kum ta inbrudja um beijo carinho
nsta li pam manda pa tude alguem odja
cante kum ta amau

djarmai di meu

sim podeba marca lugar di nha morte
era na bu txom
pamod ami nha raiz sta finkad la

djarmai di meu

mode kum ta flau ma nta amaba bo
si ti ainda nta amau
mode kum ta fla ma nta skiceu
sim ka ta consigui vive sem bo

djarmai di meu

ntra um fote di bo ku nhas odjes
nrevelal na nha pensamente
e nfaze di nha coraçao
um moldura pa nunca nskice di bo

Lucienne Gonçalves

DJARMAI nha camim

Djam Cré ba nha camim

Fote djam cré bai

Djam cré ba DJARMAI

Ba braçá mámá

Djam cré ba nha camim

Fote djam cre bai

Ba tumá kel banhe na bitchi rotcha

Ba panhá kel sal na mareta

Ba cobá, ba simiá, mondá na funtchágue

Nha djente fote dja dam ganda bai

Ba cumé kel doce de coc cu mámá ta fazé

kel moreia frit, kel catxupa rafogade,

kel kuzkuz, kel tchitchar bem temperade

Ai munde fote dja dam ganda bai

Ai munde fote sodade

Sodade de kel ambiente calm, parade de mai

Sodade de xinti kel onda de mar ta quebrá

Sodade de kel scada igreja, de bequin, di parapete

Ai munde kel bitchi rotcha, ai kel ponta preta,

Ai kel pou sec, ai kel ceiada, oh Diós pamode?

DJARMAI di meu perdoan ma nsta ausentade de bo fisicamente

Ma é ca pa mute tempe, pamode djam cre ba contribuí pa pou la na altura

DJARMAI na pel, na sangue, na alma, na cabeça e na coração.

PaixãoDiMaio

Algunz Padase di "Boka Lagoa"

(.....)
N´nhetxe rapaz Barrer
Mama flam nhos y so brajer
Boja dose
Linga malgose

Ka kre trabadje
Kre ba so badje
Ba djobe mosa
Pa faze trosa

Arneg di bo
Kou mufinam
Dixam txotxo
Sime u atxam.
(.....)

Samir Agues da Cruz Silva (samirsilva@vozdidjarmai.com)

Algunz Padase "Boka Lagoa"

 (.....)
Ka di skola
Ka di bola
Ka di badje
Ka di Trabadje

Ka tem mundjer
Ka tem kudjer
Ka nportal bedje
Ku fari fidje

Palmanham ced
Djobe kel trok
Ba bebe grog fed
Pa poi kel mok
(.....)

Samir Agues da Cruz Silva (samirsilva@vozdidjarmai.com)

Perdan

Rodiad pa es bu brisa calorose,
baxe di olhar radiant di bu céu
ku som di bu melodia na nha obid,
nha coração ta txora pa bó.
Mesme ku nha pé finkad na bu txom,
n´tem sodad di bó,
di bu elegância,
kel bu comforte na nha infância,
calor di bu alma,
bu sorriso,
bu pove.

Kel pove ku era di minis di pé
ruse ta brinca na nots di lua cheia .
Pove ku era di mudjers ku tud sis
alegria ta preparaba kes catxupada,
i di homes ku era impenhad na sis rabecada.
Kel pove ku sempre bu das tud bu amor,
gossi es sta da princípios
políticos mas valor di ku bu clamor.
Bu pove gossi tené vergonha bu pobreza,
Bu pove sta dispreza bu morabeza
Bu pove ka kre fala mo ku bu inxinas
Bu pove ka kre mas xintá na bu ragáss
Bu pove sta intxi di arrogância kus sta atxau
insignificante dimas pa sis inteligência
Bu pove embora revoltad, sta continua calade.

Tcheu ingratidan,
Nha Terra de facto nu mesté poi zuedje
na txom e pidiu perdan,
nu mesté lebá à trone di Deus txoba di orasan
ku pal djudand tirau des situasan.
Situasan difícil,
ma ka impossível
Situasan dolorose,
Ma si nu djudau ku tud nos amor
bu ta ser um strela ainda mas brilhante
na mei di Atlântico.
Si pa um minute nu poi nos orgulhe na txom,
nu ta odjá ma bu mesté pa nu dau mon.
Si nu uni come um pove, sem ser cegad
pa interesse di partide A e B,
n´tem certeza ma bu ta ergui
simé kel verdadera rainha ku bó é.


Hélida K. Costa

Nos Separasan

Acredita pamode n´dau sempre bu valor k bu tem


Nunca nka despresa kel amor kum tem pa bo, nem kel amor kum tem certeza pamode bu tem pa mi

Nka rapendé di um dia dixau pa tras ku kel ku bu dam

Doem na fundo di corasan… inda hoje ta doem, nem nka pedil pal ka doem

Ma n´ta pidi volta, ku tudu nha forsa

N´ta pedi ku mas forsa inda pam atchau di braço abert pa recebem

Nka bem busca num diamante bu Sol dja i diamante em si

Nka bem busca pérolas … sima bu céu tem Strela y um Lua radiant!

Nka bem busca safira dja bu tem um Mar Azul e valioso

Bem pamod nkria asa y nkria oiaba para alem di kel bu hozinte ku ta tchomaba mi

Bu vento ku pintcham, bu mar ku transportam

Alim sta ta compri destino di um caboverdiano, ma sima tudo passarinho na fim di tarde ta volta pa si ninho, um dia nta volta, Djarmai!

Um dia nta abrasa nha terra querida!

Distancia ka ta destrui kel amor kum tem pa bo, al dam cada ves mas forsa pam luta…!

Djarmai!



Paula Ribeiro

24-11-2009