Fote djam cré bai
Djam cré ba DJARMAI
Ba braçá mámá
Djam cré ba nha camim
Fote djam cre bai
Ba tumá kel banhe na bitchi rotcha
Ba panhá kel sal na mareta
Ba cobá, ba simiá, mondá na funtchágue
Nha djente fote dja dam ganda bai
Ba cumé kel doce de coc cu mámá ta fazé
kel moreia frit, kel catxupa rafogade,
kel kuzkuz, kel tchitchar bem temperade
Ai munde fote dja dam ganda bai
Ai munde fote sodade
Sodade de kel ambiente calm, parade de mai
Sodade de xinti kel onda de mar ta quebrá
Sodade de kel scada igreja, de bequin, di parapete
Ai munde kel bitchi rotcha, ai kel ponta preta,
Ai kel pou sec, ai kel ceiada, oh Diós pamode?
DJARMAI di meu perdoan ma nsta ausentade de bo fisicamente
Ma é ca pa mute tempe, pamode djam cre ba contribuí pa pou la na altura
DJARMAI na pel, na sangue, na alma, na cabeça e na coração.
PaixãoDiMaio
ah canadja... djau menxe cumi la na funde di nha alma... djau bulim sodade... ku toca mas txeu i kel frase final pa ramata bu poesia "DJARMAI pele, na sangue, na alma, na cabeca e na corasam" kili djam bafa. LITE JUBITE
ResponderEliminarBunitu,bunitu, i sinplismenti bunitu. Sima mar di ponta preta!
ResponderEliminarahahaha abo dja bu ca da mesmo... paixão bu sta pensa na comida mut txeu...lol katea agues
ResponderEliminar